ஜார்கண்ட் மாநிலம் தியோகர் பாபா பைத்யநாத் கோயிலில் பிரதமர் மோடி சாமி தரிசனம்!

ராஞ்சி,

ஜார்கண்ட் மாநிலம் தியோகர் மாவட்டத்தில் தியோகர் விமான நிலையத்தை பிரதமர் மோடி இன்று திறந்து வைத்தார். 657 ஏக்கர் பரப்பளவில் 401 கோடி ரூபாய் செவில் தியோகர் விமான நிலையம் கட்டப்பட்டுள்ளது.

இதனை தொடர்ந்து, ஜார்கண்ட் மாநிலம் தியோகரில் உள்ள பாபா பைத்யநாத் கோயிலில் பிரதமர் நரேந்திர மோடி வழிபாடு நடத்தினார்.

பிரதமரின் வருகையையொட்டி, நாட்டிலுள்ள 12 ஜோதிர்லிங்கங்களில் ஒன்றான பாபா பைத்யநாத் கோவில், பிரதமர் நரேந்திர மோடியை வரவேற்கும் வகையில் இன்று அலங்கரிக்கப்பட்டுள்ளது. 'பைத்யநாத் தாம்' என்றும் அழைக்கப்படும் இக்கோயில் விளக்குகளாலும் மலர்களாலும் அலங்கரிக்கப்பட்டுள்ளது.

கோவிலின் விஐபி வாசலுக்கு பிரதமர் நரேந்திர மோடி சென்றவுடன், கோவிலில் சந்தியா ஆரத்தி செய்யும் 11 பூசாரிகள் குழுவால் அவருக்கு மலர்களால் வரவேற்பு அளிக்கப்பட்டது.

அதன் பின்னர் அவர் பூஜை'க்காக கோவிலுக்கு உள்ளே அழைத்துச் செல்லப்பட்டார். தொடர்ந்து பூஜை மேற்கொண்டார். கோவிலின் கருவறையில், பூசாரிகளின் 'வேத மந்திரங்கள்' ஓதுவதற்கு மத்தியில் பிரதமர் மோடி பிரார்த்தனை செய்தார்.