பிபர்ஜாய் புயல் பாதிப்பு: 'போர்கால அடிப்படையில் ரெயில் பாதை சீரமைக்கும் பணி' - அஸ்வினி வைஷ்ணவ்

புதுடெல்லி,

தென் கிழக்கு அரபிக் கடலில் உருவான அதி தீவிர புயலான பிபர்ஜாய், குஜராத்தின் கட்ச் மாவட்டத்தில் உள்ள ஜக்காவ் துறைமுகம் அருகே, 140 கி.மீ., வேகத்தில் பலத்த மழையுடன் கடந்த 15-ம் தேதி கரையைக் கடந்தது. கடந்த 24 மணி நேரத்தில் ராஜஸ்தானில் பல இடங்களில் கனமழை பெய்தது.

இந்தநிலையில் பிபர்ஜாய் புயல் குறித்து, ரெயில்வே மந்திரி அஸ்வினி வைஷ்ணவ் நிருபர்களுக்கு அளித்த பேட்டியில், பிபர்ஜாய் புயலால் ராஜஸ்தானில் 5 இடங்களில் தண்டவாளங்கள் சேதம் அடைந்துள்ளது. சேதமான தண்டவாளங்களை சீரமைக்கும் பணி போர்கால அடிப்படையில் நடைபெறுகிறது. சேதமான வழிதடத்தில் செல்லவிருந்த ரயில்கள் உடனடியாக வேறு பாதைக்கு மாற்றப்பட்டன எனக் கூறினார்.