இலங்கை சிறையில் அடைக்கப்பட்டிருந்த நாகை மீனவர்கள் 10 பேர் விடுதலை...!

கொழும்பு,

நாகை மாவட்டம் மீன்பிடி துறைமுகத்தில் இருந்து மீனவர்கள் கடந்த 7ம் தேதி மீன்பிடிக்க சென்றனர். இலங்கை திருகோணமலை கடல் பகுதியில் மீனவர்கள் மீன்பிடித்துக்கொண்டிருந்தனர்.

அப்போது, அங்கு ரோந்து பணியில் ஈடுபட்டுக்கொண்டிருந்த இலங்கை கடற்படை எல்லை தாண்டி மீன் பிடித்துக்கொண்டிருந்ததாக கூறி நாகை மீனவர்கள் 10 பேரை கைது செய்தது.

பின்னர், கைது செய்யப்பட்ட நாகை மீனவர்கள் திரிகோணமலை நீதிமன்றத்தில் ஆஜர்படுத்தப்பட்டு சிறையில் அடைக்கப்பட்டனர்.

இந்நிலையில், சிறையில் அடைக்கப்பட்ட மீனவர்கள் இன்று மீண்டும் திரிகோணமலை நீதிமன்றத்தில் ஆஜரபடுத்தப்பட்டனர். அப்போது, நாகை மீனவர்கள் 10 பேரையும் விடுதலை செய்து நீதிமன்றம் அதிரடி உத்தரவு பிறப்பித்தது.

இதனை தொடர்ந்து நாகை மீனவர்கள் 10 பேரும் இந்திய தூதரக அதிகாரிகளிடம் ஒப்படைக்கப்பட்டனர். விடுதலை செய்யப்பட்ட நாகை மீனவர்கள் விரைவில் நாடு திரும்புவார்கள் என எதிர்பார்க்கப்படுகிறது.