லாவா பிளேஸ் என்.எக்ஸ்.டி

பிளேஸ் சீரிஸில் வந்துள்ள புதிய மாடலில் 6.5 அங்குல ஹெச்.டி. பிளஸ் திரை உள்ளது. இதில் ஆக்டாகோர் மீடியாடெக் ஹீலியோ ஜி 37 12 என்.எம். பிராசஸர் பயன்படுத்தப் பட்டுள்ளது. 4 ஜி.பி. ரேம், 64 ஜி.பி. நினைவகம் கொண்டது. இதை 256 ஜி.பி. வரை விரிவாக்கம் செய்து கொள்ள முடியும்.

இதில் ஆண்ட்ராய்டு 12 இயங்குதளம் பயன்படுத்தப்பட்டுள்ளது. இரண்டு சிம் கார்டு போடும் வசதி கொண்டது. பின்புறம் 13 மெகாபிக்ஸெல் கேமராவும், முன்புறம் 8 மெகாபிக்ஸெல் கேமராவும் உள்ளது. பின்புறம் விரல் ரேகை உணர் சென்சார் உள்ளது. 5 ஆயிரம் எம்.ஏ.ஹெச். திறன் கொண்ட பேட்டரி 10 வாட் சார்ஜருடன் வந்துள்ளது.

பச்சை, சிவப்பு, நீலம் உள்ளிட்ட கண்கவர் வண்ணங்களில் வந்துள்ள இந்த மாடலின் விலை சுமார் ரூ.9,299.