இறுதி வாக்காளர் பட்டியல் வெளியீடு: அரியலூர் மாவட்டத்தில் 5,14,738 வாக்காளர்கள்

இறுதி வாக்காளர் பட்டியல்

இந்திய தேர்தல் ஆணைய உத்தரவின்படி, அரியலூர் மாவட்டத்தில் அரியலூர், ஜெயங்கொண்டம் ஆகிய 2 சட்டமன்ற தொகுதிகளுக்கான இறுதி வாக்காளர் பட்டியலை கலெக்டர் அலுவலகத்தில் கலெக்டர் ரமணசரஸ்வதி அங்கீகரிக்கப்பட்ட அரசியல் கட்சி பிரதிநிதிகள் முன்னிலையில் நேற்று வெளியிட்டார்.

கடந்த நவம்பர் மாதம் 9-ந்தேதி வெளியிடப்பட்ட வரைவு வாக்காளர் பட்டியலின் படி அரியலூர் தொகுதியில் 1,26,712 ஆண் வாக்காளர்களும், 1,26,632 பெண் வாக்காளர்களும், 5 இதர வாக்காளர்களும், ஜெயங்கொண்டம் தொகுதியில் 1,25,898 ஆண் வாக்காளர்களும், 1,26,819 பெண் வாக்காளர்களும், 5 இதர வாக்காளர்களும் என அரியலூர் மாவட்டத்தில் மொத்தம் 5,06,071 வாக்காளர்கள் இடம் பெற்றிருந்தனர்.

5,14,738 வாக்காளர்கள்

அதன் பின்னர் கடந்த மாதம் 8-ந்தேதி வரை நடைபெற்ற வாக்காளர் பட்டியல் சிறப்பு சுருக்க திருத்த பணிகள் மேற்கொள்ளப்பட்டு நேற்று வெளியிடப்பட்ட இறுதி வாக்காளர் பட்டியலின்படி அரியலூர் சட்டமன்ற தொகுதியில் 1,28,651 ஆண் வாக்காளர்களும், 1,28,797 பெண் வாக்காளர்களும், இதரர் 6 வாக்காளர்களும் என மொத்தம் 2,57,454 வாக்காளர்கள் உள்ளனர்.

இதேபோல் ஜெயங்கொண்டம் சட்டமன்ற தொகுதியில் 1,28,040 ஆண் வாக்காளர்களும், 1,29,235 பெண் வாக்காளர்களும், இதரர் 9 வாக்காளர்களும் என மொத்தம் 2,57,284 வாக்காளர்கள் உள்ளனர். அரியலூர் மாவட்டத்தில் உள்ள 2 சட்டமன்ற தொகுதிகளிலும் மொத்தம் 5,14,738 வாக்காளர்கள் உள்ளனர்.

பெண் வாக்காளர்கள் அதிகம்

அரியலூர் மாவட்டத்தில் வரைவு வாக்காளர் பட்டியலை விட இறுதி வாக்காளர் பட்டியலில் அரியலூர் சட்டமன்ற தொகுதியில் 4,105 வாக்காளர்களும், ஜெயங்கொண்டம் சட்டமன்ற தொகுதியில் 4,562 வாக்காளர்கள் அதிகரித்துள்ளனர். 2 தொகுதிகளிலும் ஆண் வாக்காளர்களை விட பெண் வாக்காளர்களே அதிகமாக உள்ளனர். அரியலூர் தொகுதியில் ஆண் வாக்காளர்களை விட 146 பெண் வாக்காளர்களும், ஜெயங்கொண்டம் தொகுதியில் ஆண் வாக்காளர்களை விட 1,195 பெண் வாக்காளர்களும் அதிகமாக உள்ளனர் என்பது குறிப்பிடத்தக்கது.