காரில் கடத்திய 1½ டன் ரேஷன் அரிசி பறிமுதல்

நாகர்கோவில்,

குமரி மாவட்ட உணவு பொருட்கள் கடத்தல் தடுப்பு பிரிவு போலீஸ் இன்ஸ்பெக்டர் விஜி தலைமையில் போலீசார் நேற்று குழித்துறை பகுதியில் வாகன சோதனையில் ஈடுபட்டனர். அப்போது அந்த வழியாக வந்த காரை நிறுத்துமாறு சைகை காட்டினர். உடனே டிரைவர் காரை நிறுத்திவிட்டு இறங்கி தப்பி ஓடினார்.

சந்தேமடைந்த போலீசார் காரை சோதனையிட்ட போது அதில் சிறு, சிறு மூடைகளில் மொத்தம் 1,615 கிலோ ரேஷன் கடத்தி கொண்டு வந்தது கண்டுபிடிக்கப்பட்டது. விசாரணையில் இந்த அரிசி கேரளாவுக்கு கடத்த முயன்றது தெரியவந்தது. இதை தொடர்ந்து காருடன் அரிசியை போலீசார் பறிமுதல் செய்தனர். மேலும் போலீசார் வழக்குப்பதிவு செய்து காா் டிரைவரை தேடி வருகிறார்கள்.