நாமக்கல் மண்டலத்தில்முட்டை கொள்முதல் விலை 10 காசுகள் சரிவு

நாமக்கல் மண்டலத்தில் 4 ரூபாய் 50 காசுகளுக்கு முட்டை கொள்முதல் செய்யப்பட்டு வந்தது. இந்த நிலையில் நேற்று நாமக்கல்லில் நடந்த முட்டை ஒருங்கிணைப்புக்குழு கூட்டத்தில், முட்டை கொள்முதல் விலையில் மீண்டும் 10 காசுகள் குறைக்க முடிவு செய்யப்பட்டது. பின்னர் முட்டை கொள்முதல் விலை 4 ரூபாய் 40 காசுகளாக நிர்ணயம் செய்யப்பட்டது. கடந்த 18-ந் தேதி முதல் நேற்று வரை தொடர்ந்து 3 நாட்களில் மட்டும் 30 காசுகள் முட்டை கொள்முதல் விலையில் குறைக்கப்பட்டு உள்ளது.

அதேபோல் நாமக்கல் மண்டலத்தில் கறிக்கோழி கிலோ ரூ.123-க்கும், முட்டைக்கோழி கிலோ ரூ.85-க்கும் விற்பனை செய்யப்பட்டு வருகிறது. அவற்றின் விலைகளில் மாற்றம் ஏதும் இல்லை என பண்ணையாளர்கள் கூறினர்.