சேலம் வந்த 11 பேருக்கு கொரோனா பாதிப்பு

சேலம் மாவட்டத்தில் நேற்று முன்தினம் கொரோனாவுக்கு 32 பேர் பாதிக்கப்பட்டனர். இந்த நிலையில் நேற்று 33 பேருக்கு கொரோனா தொற்று ஏற்பட்டுள்ளது. சேலம் மாநகராட்சிக்குட்பட்ட பகுதிகளில் 15 பேர், தலைவாசலில் 3 பேர், சேலம் ஒன்றியத்தில் 2 பேர், ஓமலூர், வீரபாண்டி ஆகிய இடங்களில் தலா ஒருவரும் கொரோனாவுக்கு பாதிக்கப்பட்டனர்.

மேலும் சேலத்துக்கு தர்மபுரியில் இருந்து வந்த 4 பேர், நாமக்கல்லில் இருந்து வந்த 3 பேர், கரூர், சென்னையில் இருந்து வந்த தலா 2 பேருக்கும் கொரோனா தொற்று ஏற்பட்டுள்ளது. இவர்கள் ஆஸ்பத்திரிகளில் அனுமதிக்கப்பட்டு சிகிச்சை பெற்று வருகின்றனர். மாவட்டத்தில் இதுவரை கொரோனாவுக்கு 1 லட்சத்து 30 ஆயிரத்து 372 பேர் பாதிக்கப்பட்டுள்ளனர்.