குட்கா விற்ற 2 பேர் கைது

பரமத்திவேலூர்

பரமத்திவேலூர் தாலுகா, பரமத்தியில் டீக்கடை மற்றும் மளிகைக்கடையில் தமிழக அரசால் தடை செய்யப்பட்ட குட்கா பாக்கெட்டுகளை விற்பனை செய்வதாக பரமத்தி போலீசாருக்கு தகவல் கிடைத்தது. இதையடுத்து பரமத்தியில் உள்ள பாலுசாமி (வயது 57) என்பவரது டீக்கடையில் விற்பனைக்காக வைக்கப்பட்டிருந்த குட்கா பாக்கெட்டுகளையும், அதே பகுதியை சேர்ந்த சந்திரசேகர் (67) என்பவரது மளிகைக்கடையில் வைக்கப்பட்டிருந்த குட்கா பாக்கெட்டுகளையும் பரமத்தி போலீசார் பறிமுதல் செய்தனர். மேலும் தமிழக அரசால் தடை செய்யப்பட்ட குட்கா பாக்கெட்டுகளை விற்பனை செய்த பாலுசாமி, சந்திரசேகர் ஆகிய 2 பேர் மீதும் போலீசார் வழக்குப்பதிவு அவர்களை கைது செய்து விசாரணை நடத்தி வருகின்றனர்.