மோகனூர்

ராசிபுரம் திரு.வி.க. நகரை சேர்ந்தவர் சண்முகம் என்பவரது மகன் ரகுநாத் (வயது 25). கூலித்தொழிலாளி. இவர் சம்பவத்தன்று மோகனூர் காவிரி ஆற்றங்கரை அருகில் உள்ள சிவன் கோவிலில் சாமி கும்பிட தனது நண்பர்களுடன் வந்திருந்தார். அப்போது காவிரி ஆற்றங்கரையோரம் சென்றபோது 2 பேர் வழிமறித்து அவரிடம் இருந்த செல்போன் மற்றும் ரூ.500-ஐ பறித்து கொண்டு கொலை மிரட்டல் விடுத்துள்ளனர். அப்போது ரகுநாத் சத்தம் போடவே உடன் வந்த நண்பர்கள், வழிப்பறியில் ஈடுபட்ட 2 பேரையும் பிடித்து மோகனூர் போலீசில் ஒப்படைத்தனர். பின்னர் போலீஸ் சப்-இன்ஸ்பெக்டர் துர்க்கைசாமி விசாரணை செய்ததில் காட்டு பிள்ளையார் கோவில் செயல் பகுதியை சேர்ந்த மணிகண்டன் மகன் விக்ரம் (21) மற்றும் 16 வயது சிறுவன் என தெரிய வந்தது. இதைதொடர்ந்து அவர்கள் 2 பேர் மீது போலீசார் வழக்குப்பதிந்து கைது செய்து நாமக்கல் கோர்ட்டில் ஆஜர்படுத்தி நாமக்கல் கிளைசிறையில் அடைத்தனர்.