வாலிபரை தாக்கிய 2 பேர் கைது

மதுரை எஸ்.எஸ்.காலனி சிங்காரபுரம் காட்டுநாயக்கர் தெருவை சேர்ந்தவர் ஆரோக்கியராஜ் (வயது 36). சம்பவத்தன்று இவர் வீட்டின் அருகே நடந்து சென்ற போது அதே பகுதியை சேர்ந்த விஜயகுமார் (24), விஜய் (25), அஜித்குமார் ஆகிய 3 பேரும் குடிபோதையில் அவரிடம் தகராறு செய்து தாக்கி கொலை மிரட்டல் விடுத்ததாக கூறப்படுகிறது. இது குறித்த புகாரின் பேரில் எஸ்.எஸ்.காலனி போலீசார் வழக்குப்பதிவு செய்து விஜயகுமார், விஜய் ஆகிய 2 பேரை கைது செய்தனர்.