மண் அள்ளிய 2 பேர் கைது

கடையம்:

கடையம் அருகே ஏ.பி.நாடானூரில் உள்ள தனியார் குவாரியில் அனுமதியின்றி மண் அள்ளுவதாக ஆழ்வார்குறிச்சி போலீசாருக்கு தகவல் கிடைத்தது. அதன்பேரில் போலீசார் சம்பவ இடத்திற்கு சென்று பார்வையிட்டனர். அப்போது அங்கு முறையான அனுமதி இன்றி மண் அள்ள முயன்றது தெரியவந்தது. இதுதொடர்பாக பொக்லைன் எந்திர டிரைவரான கீழ ஆம்பூர் முத்தாரம்மன் கோவில் தெருவைச் சேர்ந்த பரமசிவன் மகன் முகமது குத்தூஸ் (வயது 47), டிராக்டர் டிரைவரான ஏ.பி.நாடானூர் பெருமாள் மகன் மகேஷ் (35) ஆகியோரை போலீசார் கைது செய்தனர். தொடர்ந்து பொக்லைன் எந்திரம், 2 டிராக்டர்கள், 2 டிப்பர் லாரிகள் ஆகியவற்றை போலீசார் பறிமுதல் செய்தனர். மேலும் கிரஷர் உரிமையாளரான பொட்டல்புதூரை சேர்ந்த முகமது மசூது என்பவர் மீது போலீசார் வழக்குப்பதிவு செய்தனர். கடையம் இன்ஸ்பெக்டர் சரவணன் வழக்குப்பதிவு செய்து விசாரணை நடத்தி வருகிறார்.