செல்போன் பறித்த 2 பேர் கைது

தென்காசியை சேர்ந்தவர் செல்லப்பாண்டியன். இவர் நேற்று முன்தினம் பாளையங்கோட்டையில் நின்று கொண்டிருந்தார். அப்போது அங்கு வந்த நெல்லை சந்திப்பு பகுதியைச் சேர்ந்த பீட்டர், நடுவக்குறிச்சியை சேர்ந்த கல்லத்தியான் ஆகிய 2 பேரும் சேர்ந்து செல்லப்பாண்டியன் வைத்திருந்த செல்போனை பிடுங்கிச் சென்றுவிட்டதாக கூறப்படுகிறது.

இதுகுறித்த புகாரின் பேரில் பாளையங்கோட்டை போலீஸ் இன்ஸ்பெக்டர் வாசிவம் வழக்குப்பதிவு செய்து விசாரணை நடத்தி கல்லத்தியான், பீட்டர் ஆகிய 2 பேரையும் நேற்று கைது செய்தார்.