தம்பதியை தாக்கிய 2 பேர் கைது

கிருஷ்ணகிரி தாலுகா தின்னகழனியை சேர்ந்தவர் கணபதி (வயது 50). கூலித் தொழிலாளி. இவருடைய மனைவி லட்சுமி (43). இவர்களின் மருமகன் நாகராஜ் (35). லாரி டிரைவர். இவர்களுக்குள் நிலம் தொடர்பாக பிரச்சினை இருந்து வருகிறது. சம்பவத்தன்று ஏற்பட்ட பிரச்சினையில் நாகராஜ், சாமந்தமலையை சேர்ந்த ராஜ்குமார் (34) ஆகிய 2 பேரும் கணபதி, அவருடைய மனைவி லட்சுமி ஆகியோரை பீர்பாட்டில் மற்றும் இரும்பு கம்பியால் தாக்கியதாக கூறப்படுகிறது. இதில் கணபதி, அவருடைய மனைவி லட்சுமி ஆகியோர் காயமடைந்தனர். அவர்கள் சிகிச்சைக்காக கிருஷ்ணகிரி அரசு மருத்துவ கல்லூரி ஆஸ்பத்திரியில் அனுமதிக்கப்பட்டனர். இதுகுறித்த புகாரின் பேரில் கிருஷ்ணகிரி தாலுகா போலீசார் வழக்குப்பதிவு செய்து நாகராஜ், ராஜ்குமார் ஆகிய 2 பேரையும் கைது செய்தனர்.