லாட்டரி சீட்டு விற்ற 2 பேர் கைது

சிவகாசி,

சாத்தூர் டவுன் சப்-இன்ஸ்பெக்டர் பாண்டியன் மற்றும் போலீசார் நகர் பகுதியில் ரோந்து பணியில் ஈடுபட்டனர். அப்போது அங்குள்ள ஒரு தியேட்டர் அருகில் டி.கரிசல்குளத்தை சேர்ந்த முத்துப்பாண்டி (வயது 40) என்பவர் நின்று கொண்டிருந்தார். அவரது நடவடிக்கையில் சந்தேகம் அடைந்த போலீசார் அவரிடம் விசாரணை நடத்தினர். அப்போது அவர் கேரள மாநில லாட்டரி சீட்டுகளை விற்பனை செய்தது தெரியவந்தது. இதை தொடர்ந்து அவரை கைது செய்த போலீசார் லாட்டரி சீட்டுகள் மற்றும் ரூ.3,500 ஆகியவற்றை பறிமுதல் செய்தனர். இதேபோல் சப்-இன்ஸ்பெக்டர் அப்துல்காதர் பைபாஸ் ரோட்டில் ரோந்து பணியில் ஈடுபட்டார். அப்போது அதே பகுதியை சேர்ந்த செல்வ மாரியப்பன் (58) என்பவர் லாட்டரி சீட்டு விற்பனை செய்தது தெரியவந்தது. இதை தொடர்ந்து அவரை கைது செய்த போலீசார் அவரிடம் இருந்த லாட்டரி சீட்டுகள் மற்றும் ரூ.630 ஆகியவற்றை பறிமுதல் செய்தனர்.