மோட்டார் சைக்கிள் திருடிய 2 பேர் கைது

கடமலைக்குண்டு அருகே கொம்புக்காரன்புலியூர் கிராமத்தை சேர்ந்தவர் கேசவபாண்டி. இவர் கடந்த 1-ந்தேதி தனது மோட்டார் சைக்கிளை கடமலைக்குண்டு பிள்ளையார் கோவில் தெருவில் உள்ள தனியார் முருங்கை குடோன் அருகே நிறுத்தி விட்டு சின்னமனூருக்கு சென்றார். பின்னர் அவர் வந்து பார்க்கும்போது, மோட்டார் சைக்கிளை காணவில்லை. இதுகுறித்து கடமலைக்குண்டு போலீஸ்நிலையத்தில் கேசவபாண்டி புகார் கொடுத்தார். அதன்பேரில் போலீசார் வழக்குப்பதிவு செய்து மோட்டார் சைக்கிளை தேடி வந்தனர். இந்த நிலையில் அவருடைய மோட்டார் சைக்கிளை மேலப்பட்டி கிராமத்தை சேர்ந்த செல்லாண்டி (வயது 26) மற்றும் 18 வயது உடைய சிறுவன் சேர்ந்து திருடியது தெரியவந்தது. இதையடுத்து அவர்களை போலீசார் கைது செய்தனர். மேலும் அவர்களிடம் இருந்த மோட்டார் சைக்கிள் பறிமுதல் செய்யப்பட்டது.