வாலிபரிடம் செல்போன் பறித்த 2 பேர் கைது

பாண்டியன் நகர்

திருச்சுழி அருகே உள்ள சவ்வாஸ்புரத்தைச் சேர்ந்தவர் பொன்னுசாமி (வயது 36). இவர் விருதுநகர் முத்தால் நகரில் உள்ள தனது உறவினர் வீட்டுக்கு செல்வதற்காக நடந்து சென்று கொண்டிருந்தார். அப்போது விருதுநகர் கே.கே.எஸ்.எஸ்.என். நகரை சேர்ந்த அழகர் என்ற பெரியசாமி (24), பாண்டியன் நகரை சேர்ந்த ஜீவானந்தம் (24) ஆகிய இருவரும் பொன்னுசாமியை வழிமறித்து அவரிடம் இருந்து ரூ.10 ஆயிரம் மதிப்புள்ள செல்போனை பறித்து சென்றனர். இது பற்றி பொன்னுச்சாமி கொடுத்த புகாரின் பேரில் பாண்டியன் நகர் போலீசார் அழகர் என்ற பெரியசாமி மற்றும் ஜீவானந்தம் மீது வழக்கு பதிவு செய்து அவர்கள் 2 பேரையும் கைது செய்து விசாரணை நடத்தி வருகின்றனர்.