கத்தியை காட்டி பணம் பறித்த 2 பேர் கைது

மதுரை ஆரப்பாளையம் பொன்னகரம் 3-வது குறுக்குத் தெருவை சேர்ந்தவர் பாண்டி (வயது 42). சம்பவத்தன்று இவர் தத்தனேரி வைகை வடகரை ரோட்டில் நடந்து சென்றார். அப்போது அவரை 2 வாலிபர்கள் வழிமறித்தனர். பின்னர் அவர்கள் பாண்டியை கத்தியை காட்டி மிரட்டி அவரிடமிருந்து பணத்தை பறித்து கொண்டு தப்பி விட்டனர். இது குறித்து செல்லூர் போலீசார் வழக்குப்பதிவு செய்து செல்லூர் நந்தவனம் பகுதியை சேர்ந்த சூர்யா பிரகாஷ் (20), தத்தனேரி கண்மாய்கரை கணேசபுரத்தை சேர்ந்த சுபாஷ் என்ற படையப்பா (24) ஆகிய 2 பேரையும் கைது செய்தனர்.