மதுபாட்டில்கள் வைத்திருந்த 2 பேர் கைது

பேரையூர்,

மதுரை மாவட்டம் வில்லூர் போலீசார் மதுவிலக்கு சம்பந்தமாக வி.கோபாலபுரம் பகுதியில் ரோந்து சென்றனர். அப்போது விருதுநகர் மாவட்டம் செங்குன்றாபுரம் அருகில் உள்ள எல்லிங்கநாயக்கன்பட்டியை சேர்ந்த வெங்கடேஸ்வரன் (வயது 31) என்பவர் இருசக்கர வாகனத்தில் விற்பனை செய்வதற்காக 48 மதுபாட்டில்கள் வைத்திருந்த போது ரோந்து சென்ற போலீசார் அவற்றை பறிமுதல் செய்து அவரை கைது செய்தனர். இதேபோல் மதிப்பனூர் கல்லுப்பட்டியை சேர்ந்த ஜெயலட்சுமி (40) என்பவரிடமிருந்து 10 மதுபாட்டில்களை நாகையாபுரம் போலீசார் பறிமுதல் செய்து அவரை கைது செய்தனர்.