மது விற்ற 2 பேர் கைது

அரியலூர் மாவட்டம் உடையார்பாளையம் சப்-இன்ஸ்பெக்டர் திருவேங்கடம் தலைமையிலான போலீசார் ரோந்து பணியில் ஈடுபட்டு இருந்தனர். அப்போது தத்தனூர் குடிக்காடு கிராமத்தை சேர்ந்த கண்ணன் (வயது 39) என்பவர் தனது வீட்டின் பின்புறம் மது பாட்டில்களை கூடுதல் விலைக்கு விற்பனை செய்தது தெரிய வந்தது. இதையடுத்து அவரை போலீசார் கைது செய்தனர்.

இதேபோல் விக்கிரமங்கலம் சப்-இன்ஸ்பெக்டர் தமிழரசன் தலைமையிலான போலீசார் ரோந்து பணியில் ஈடுபட்டிருந்தனர். அப்போது ஸ்ரீபுரந்தான் மேலத்தெருவை சேர்ந்த சேட்டு மனைவி கவிதா (46) என்பவர் தனது வீட்டின் பின்புறம் மது விற்றது தெரியவந்தது. இதையடுத்து அவரை போலீசார் கைது செய்தனர். மேலும் விற்பனைக்காக வைக்கப்பட்டிருந்த மதுபாட்டில்களும் பறிமுதல் செய்யப்பட்டன.