சாராயம் கடத்திய 2 பேர் கைது

நாகூர்:

நாகை மாவட்ட போலீஸ் சூப்பிரண்டு ஜவகர் உத்தரவின் பேரில் மாவட்டத்தில் சாராய கடத்தலை தடுக்கும் வகையில் பல்வேறு இடங்களில் போலீசார் வாகன சோதனை நடத்தி வருகின்றனர். அதன் ஒரு பகுதியாக நாகூரை அடுத்த மேலவாஞ்சூர் சோதனை சாவடியில் நாகூர் போலீசார் நேற்று வாகன சோதனையில் ஈடுப்பட்டனர். அப்போது அந்த வழியாக சந்தேகத்தின் பேரில் வந்த 2 பேைர பிடித்து சோதனை மேற்கொண்டனர். அதில் அவர்கள் 10 லிட்டர் சாராயம் கடத்தி வந்தது தெரியவந்தது. அவர்களை பிடித்து விசாரணை நடத்தினர். விசாரணையில் அவர்கள் சென்னை கீழ்ப்பாக்கம் சாஸ்திரி நகரை சேர்ந்த கனகராஜ் மகன் சாமுவேல் (வயது 25), திருவாரூர் மாவட்டம் பரமாகுடி மெயின் ரோடு சேர்ந்த அமீர்பாய் மகன் மாலிக் (32) என்பது தெரியவந்தது. இதுகுறித்து நாகூர் போலீசார் வழக்குப்பதிவு செய்து 2 பேரையும் கைது செய்து, அவர்களிடம் இருந்த 10 லிட்டர் சாராயத்தை பறிமுதல் செய்தனர்.