சாராயம் கடத்திய 2 பேர் கைது

திட்டச்சேரி:

திருமருகல் அருகே சாராயம் கடத்திய 2 பேரை போலீசார் கைது செய்தனர். மேலும் அவர்களிடம் இருந்து மோட்டார் சைக்கிளை பறிமுதல் செய்தனர்.

வாகன சோதனை

நாகை மாவட்டம் திருமருகல் ஊராட்சி பகுதியில் திட்டச்சேரி போலீசார் வாகன சோதனையில் ஈடுபட்டனர்.அப்போது அந்த வழியாக வேகமாக வந்த ஒரு மோட்டார் சைக்கிளை மறித்து சோதனை செய்தனர்.

சோதனையில் மோட்டார் சைக்கிளில் இருந்த மூட்டையில் 110 லிட்டர் சாராயம் இருந்தது. இதை தொடர்ந்து மோட்டார் சைக்கிளில் வந்த 2 பேரிடம் விசாரணை நடத்தினர்.

2 பேர் கைது

விசாரணையில் அவர்கள் சிக்கல் பனைமேடு எம்.ஜி.ஆர். நகரை சேர்ந்த சாமிநாதன் மகன் சந்தோஷ்குமார் (வயது 19), அதே பகுதியை சேர்ந்த வள்ளிநாதன் மகன் ரவீந்திரன் (20) என்பதும், இவர்கள் காரைக்கால் பகுதியில் இருந்து சாராயத்தை மோட்டார் சைக்கிளில் கடத்தி வந்ததும் தெரிய வந்தது.

இதுகுறித்து திட்டச்சேரி போலீஸ் சப்-இன்ஸ்பெக்டர் ராமகிருஷ்ணன் சுரேஷ் மற்றும் போலீசார் வழக்குப்பதிவு செய்து கைது சந்தோஷ்குமார், ரவீந்திரன் ஆகிய 2 பேரையும் கைது ெசய்து அவர்களிடம் இருந்து 110 லிட்டர் சாராயத்தையும், கடத்தலுக்கு பயன்படுத்திய மோட்டார் சைக்கிளையும் பறிமுதல் செய்தனர்.