வடமாநில தொழிலாளியிடம் செல்போன் பறித்த 2 பேர் சிக்கினர்.

நெல்லை வண்ணார்பேட்டை சாலை தெருவில் உள்ள ஆவின் பாலகம் அருகே நேற்று முன்தினம் இரவு 2 வடமாநில தொழிலாளர்கள் நடந்து சென்று கொண்டிருந்தனர். அப்போது அங்கு வந்த மர்மநபர்கள் 2 பேர் வடமாநில தொழிலாளி மன்திவான்சாகா (வயது 23) என்பவரின் செல்போனை பறித்துக்கொண்டு தப்பிச் சென்றுள்ளனர்.

இதுகுறித்து பாளையங்கோட்டை குற்றப்பிரிவு போலீசார் வழக்குப்பதிவு செய்து விசாரணை நடத்தினர். விசாரணையில் மானூர் மேல இலந்தைகுளத்தை சேர்ந்த வர்கீஸ் மகன் மதன் (19) மற்றும் ஒரு சிறுவன் ஆகியோர் சேர்ந்து செல்போனை பறித்தது தெரியவந்தது. இதனையடுத்து போலீசார் அவர்கள் 2 பேரையும் கைது செய்தனர். சிறுவனை புதிய பஸ்நிலையம் அருகே உள்ள கூர்நோக்கு இடத்தில் அடைத்தனர்.