விபத்தில் 2 பேர் படுகாயம்

சாயல்குடி,

சாயல்குடி அருகே மாரியூர் காந்திநகரை சேர்ந்தவர் பாஸ்கரன் மகன் ஈஸ்வரன். அதே பகுதியை சேர்ந்தவர் முத்துராமலிங்கம் மகன் சதீஷ்குமார். இதில் ஈஸ்வரன் இருசக்கர வாகனத்தில் டி.மாரியூர் பகுதிக்கு சென்றார். பின்னால் வந்த சதீஷ்குமாரின் இருசக்கர வாகனம், ஈஸ்வரனின் இருசக்கர வாகனத்தில் மோதியது. இதில் இருவரும் படுகாயம் அடைந்தனர். அவர்களில் ஈஸ்வரன் மதுரை அரசு ஆஸ்பத்திரியில் அனுமதிக்கப்பட்டுள்ளார். சதீஷ்குமார் தூத்துக்குடி அரசு ஆஸ்பத்திரியில் அனுமதிக்கப்பட்டுள்ளார். இது குறித்து சாயல்குடி சப்-இன்ஸ்பெக்டர் சல்மோன் வழக்கு பதிவு செய்து விசாரணை நடத்தி வருகிறார்.