தொழிலாளியை தாக்கிய 2 பேர் கைது

விருதுநகர் முத்தால் நகரை சேர்ந்தவர் பாலமுருகன் (வயது 45). கட்டிட தொழிலாளியான இவர் அப்பகுதியில் உள்ள மதுக்கூடத்தில் மது அருந்தி கொண்டிருந்தார். அப்போது அங்கு மது அருந்திக்கொண்டிருந்த முத்தால் நகரை சேர்ந்த சுப்புராஜ் (29), ராமச்சந்திரன் (29) ஆகிய 2 பேரும் பீர் பாட்டிலை தரையில் போட்டு உடைத்ததை தட்டிக் கேட்ட பாலமுருகனை அவர்கள் இருவரும் பீர் பாட்டிலால் தாக்கி படுகாயப்படுத்தியதோடு கொலை மிரட்டல் விடுத்ததாகவும் கூறப்படுகிறது. இதுகுறித்து பாலமுருகன் கொடுத்த புகாரின் பேரில் பாண்டியன் நகர் போலீசார் மேற்படி 2 பேரையும் கைது செய்து வழக்குப்பதிவு செய்துள்ளனர்.