ஆயுதங்களுடன் பதுங்கிய 2 பேர் கைது

மதுரை ஜெய்ஹிந்த்புரம் போலீஸ் சப்-இன்ஸ்பெக்டர் சக்தி மணிகண்டன் மற்றும் போலீசார் ரோந்து பணியில் ஈடுபட்டனர். அப்போது, பாரதியார் ரோட்டில் உள்ள ஒரு பள்ளி அருகே 2 பேர் பதுங்கி இருந்தனர். அவர்களிடம் போலீசார் சோதனை நடத்தியபோது வாள், கத்தி ஆகியவை இருந்தது தெரியவந்தது. மேலும் அவர்கள் வழிப்பறியில் ஈடுபடுவதற்காக பதுங்கி இருந்ததும் கண்டுபிடிக்கப்பட்டது. விசாரணையில் அவர்கள் பாரதியார் ரோட்டை சேர்ந்த 17 வயது சிறுவன், எம்.கே.புரம் கார்த்திக்கேயன் (20) என்பது தெரியவந்தது. இதனை தொடர்ந்து அவர்கள் 2 பேரையும் போலீசார் கைது செய்து, வாள் மற்றும் கத்தியை பறிமுதல் செய்தனர்.