மணல் கடத்திய 2 லாரிகள் பறிமுதல்

செம்பட்டிவிடுதி பகுதியில் உள்ள கீழப்புலவன்காடு சாலையில் தனிப்படை போலீசார் ரோந்து பணியில் ஈடுபட்டனர். அப்போது அந்த வழியாக வந்த 2 லாரிகளையும் மறித்து சோதனை நடத்தினர். சோதனையில், லாரிகளில் 4 யூனிட் மணல் கடத்தி வந்தது தெரியவந்தது. இதையடுத்து 2 லாரிகளையும் பறிமுதல் செய்து, வெட்டன்விடுதியை சேர்ந்த டிரைவர் மாரிமுத்து (வயது 38) என்பவரையும் போலீசார் கைது செய்து, ஆலங்குடி போலீஸ் நிலையத்தில் ஒப்படைத்தனர்.