மாநில செய்திகள்

காவிரி மேலாண்மை ஆணையத்தை அமைப்பதா? டாக்டர் அன்புமணி ராமதாஸ் அறிக்கை + "||" + Cauvery Management Authority Structuring Dr Anbumani Ramadoss report

காவிரி மேலாண்மை ஆணையத்தை அமைப்பதா? டாக்டர் அன்புமணி ராமதாஸ் அறிக்கை

காவிரி மேலாண்மை ஆணையத்தை அமைப்பதா? டாக்டர் அன்புமணி ராமதாஸ் அறிக்கை
எந்த அதிகாரமும் இல்லாத அமைப்பாக காவிரி மேலாண்மை ஆணையத்தை அமைத்து விடக்கூடாது என்று டாக்டர் அன்புமணி ராமதாஸ் கூறியுள்ளார்.
சென்னை,

பா.ம.க. இளைஞரணி தலைவர் டாக்டர் அன்புமணி ராமதாஸ் வெளியிட்டுள்ள அறிக்கையில் கூறியிருப்பதாவது.

காவிரி நடுவர் மன்றத் தீர்ப்பை செயல்படுத்துவதற் கான வரைவுத் திட்டத்தின் திருத்தப்பட்ட வடிவத்தை உச்சநீதிமன்றத்தில் மத்திய அரசு தாக்கல் செய்திருக்கிறது. மத்திய அரசு அமைக்கவுள்ள புதிய அமைப்புக்கு காவிரி மேலாண்மை ஆணையம் என்று பெயரிடப்படும். காவிரி நீர்ப்பகிர்வு குறித்த சிக்கலில் ஆணையத்தின் முடிவே இறுதியானது. மேலாண்மை ஆணையத்தின் தலைமை அலுவலகம் பெங்களூருவுக்கு பதிலாக டெல்லியில் அமைக்கப்படும் என்றும் உச்சநீதிமன்றத்தில் தெரிவிக்கப்பட்டுள்ளது.


இந்த திருத்தங்கள் அனைத்தும் மத்திய அரசு தானாக முன்வந்து செய்தவை அல்ல. மாறாக, உச்சநீதிமன்ற ஆணைப்படி செய்யப்பட்ட திருத்தங்கள் தான் இவை. இவற்றில் காவிரி ஆணையத்தின் தலைமை அலுவலகம் டெல்லியில் அமைக்கப்படுவது வரவேற்கத்தக்க நடவடிக்கையாகும்.

மத்திய அரசு அதன் கர்நாடக ஆதரவு நிலைப்பாடு காரணமாக, அந்த மாநிலத்தின் கட்டுப்பாட்டிலேயே கர்நாடக அணைகள் இருக்கும்படி வரைவுத் திட்டத்தை தயாரித்துள்ளது. இப்படி எந்த அதிகாரமும் இல்லாத அமைப்பை உருவாக்கி விட்டு, அதற்கு பெயரை மட்டும் கவர்ச்சிகரமாக சூட்டினால் என்ன பயன்?. அரளிப்பூவுக்கு ரோஜா என்று பெயர் மட்டும் சூட்டினால் அதை எப்படி தலையில் சூட்டிக்கொள்ள முடியாதோ, அதேபோல் தான் புதிய அமைப்புக்கு ஆணையம் என்று பெயர் சூட்டினால் மட்டும் காவிரி நீர் வந்து விடாது.

எனவே, காவிரியின் குறுக்கே கட்டப்பட்டுள்ள அனைத்து அணைகளையும் நிர்வகிக்கும் அதிகாரத்துடன் தான் காவிரி ஆணையம் அமைக்கப்பட வேண்டும். இதற்கு குறைவான எந்தவொரு அமைப்பையும் தமிழ்நாடு அரசு ஏற்கக்கூடாது; உச்சநீதிமன்றமும் அதை அனுமதிக்கக்கூடாது என வலியுறுத்துகிறேன்.

இவ்வாறு அறிக்கையில் அவர் கூறியுள்ளார்.


தொடர்புடைய செய்திகள்

1. காவிரி மேலாண்மை ஆணையம் அமைக்கப்படாத நிலையில் வெற்றிவிழா ஏன்?
காவிரி மேலாண்மை ஆணையம் அமைக்கப்படாத நிலையில் வெற்றிவிழா ஏன்? என்று எடப்பாடி பழனிசாமிக்கு மணியரசன் கேள்வி எழுப்பியுள்ளார்.
2. காவிரி மேலாண்மை ஆணைய உறுப்பினர்களின் பட்டியல்: கர்நாடகாவுக்கு மத்திய அரசு அதிரடி உத்தரவு
காவிரி மேலாண்மை ஆணைய உறுப்பினர்களின் பட்டியலை விரைவில் சமர்பிக்க கர்நாடகாவுக்கு மத்திய அரசு உத்தரவு பிறப்பித்துள்ளது. #CauveryManagementCommission
3. காவிரி மேலாண்மை ஆணையத்தின் இடைக்கால தலைவராக மசூத் உசேன் நியமனம்
காவிரி மேலாண்மை ஆணையத்தின் இடைக்கால தலைவராக மசூத் உசேன் நியமனம் செய்யப்பட்டு உள்ளார்.
4. காவிரி மேலாண்மை ஆணைய தலைவராக நீர்ப்பாசன வல்லுனரை நியமிக்க வேண்டும்
காவிரி மேலாண்மை ஆணையத்தின் தலைவராக நீர்ப்பாசன வல்லுனரை நியமிக்க வேண்டும் என்று டாக்டர் ராமதாஸ் கூறியுள்ளார். பா.ம.க. நிறுவனர் டாக்டர் ராமதாஸ் வெளியிட்டுள்ள அறிக்கையில் கூறியிருப்பதாவது.
5. காவிரி மேலாண்மை ஆணையத்துக்கான தமிழக உறுப்பினா்கள் பெயா்கள் பரிந்துரைப்பு
காவிரி மேலாண்மை ஆணையத்துக்கான தமிழக உறுப்பினராக பொதுப்பணித்துறை முதன்மை செயலர் எஸ்.கே.பிரபாகர் பெயரும் ஒழுங்காற்றுக் குழுவுக்கு நீர்வளத்துறை தலைமை பொறியாளர் செந்தில்குமார் பெயர் பரிந்துரைக்கப்பட்டுள்ளது. #CauveryIssue