<
பெட்ரோல் விலை லிட்டருக்கு 31 காசுகள் குறைவு, டீசல் விலையும் குறைப்பு
பெட்ரோல் விலை லிட்டருக்கு 31 காசுகள் குறைந்து ஒரு லிட்டர் ரூ.74.63 ஆக விற்பனையாகிறது.
சென்னை,
கிடுகிடு’வென உயர்ந்து வாகன ஓட்டிகளை பீதியடைய செய்த பெட்ரோல்-டீசல் விலை, கடந்த மாதத்தின் தொடக்கத்தில் இருந்து ஏற்ற இறக்கத்தை சந்திக்க தொடங்கியது. கடந்த அக்டோபர் மாதம் 17- ந் தேதி ஒரு லிட்டர் பெட்ரோல் ரூ.86.10-க்கும், டீசல் ரூ.80.04-க்கும் விற்பனை ஆனது. அதனைத் தொடர்ந்து பெட்ரோல்-டீசல் விலை கொஞ்சம் கொஞ்சமாக குறைந்து வருகிறது.
இந்த நிலையில், சென்னையில், பெட்ரோல், டீசல் விலை முறையே 31 மற்றும் 39 காசுகள் குறைந்துள்ளன. இதன்படி, பெட்ரோல் விலை ஒரு லிட்டர் ரூ.74.63 ஆகவும், டீசல் விலை ஒரு லிட்டர் 70.38 ஆகவும் விற்பனையாகிறது.
கடந்த ஆறு வாரங்களுக்கும் மேலாக பெட்ரோல், டீசல் விலை தொடர்ந்து குறைந்து வருவது வாகன ஓட்டிகளுக்கு சற்று ஆறுதலாய் அமைந்துள்ளது. சர்வதேச சந்தையில் கச்சா எண்ணைய் விலை தொடர்ந்து குறைந்து வருகிறது. ஒரு பேரல் கச்சா எண்ணைய் அமெரிக்க டாலர் மதிப்புக்கு 60 -க்கும் கீழ் வீழ்ச்சியடைந்துள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
