<
மாநிலங்களவை தேர்தல்: முதல் நாளில் 2 பேர் வேட்புமனு தாக்கல்
தமிழகத்தில் இருந்து மாநிலங்கவைக்கு உறுப்பினர்களை தேர்வு செய்வதற்கான வாக்குப்பதிவு குறித்த அறிவிப்பு வெளியாகியுள்ளது. மொத்தம் 6 இடங்கள் காலியாக உள்ளன.
சென்னை,
அ.தி.மு.க. 3 இடங்களையும், தி.மு.க. 3 இடங்களையும் பெற வாய்ப்புகள் அதிகம் உள்ளன. 6 பேருக்கு மேலாக 7-வதாக தகுதியுள்ள யாரும் போட்டியிட்டால் வாக்குப்பதிவு நடக்கும் சூழ்நிலை ஏற்படும்.
இந்த நிலையில், தலைமைச் செயலகத்தில் உள்ள சட்டசபை செயலக அலுவலகத்தில் சேலம் மாவட்டம் மேட்டூர் அணை, ராமன்நகரைச் சேர்ந்த கே.பத்மராஜன் நேற்று வேட்புமனு தாக்கல் செய்தார்.
மேலும், தர்மபுரி மாவட்டம் பாப்பிரெட்டிப்பட்டி மோளையானூரைச் சேர்ந்த கோ.மதிவாணன் என்பவரும் நேற்று வேட்புமனு தாக்கல் செய்தார். இவர்கள் 2 பேரும் சுயேச்சையாக வேட்புமனு தாக்கல் செய்துள்ளனர்.
மாநிலங்களவை உறுப்பினர் தேர்தலுக்கு போட்டியிடுவதற்கு ரூ.10 ஆயிரம் டெபாசிட் தொகை கட்டவேண்டும். எஸ்.சி., எஸ்.டி. பிரிவினர் ரூ.5 ஆயிரம் செலுத்த வேண்டும். மேலும், குறைந்தபட்சம் 10 எம்.எல்.ஏ.க்கள் அவரை முன்மொழிய வேண்டும். இவை இல்லாத நிலையில் வேட்புமனு பரிசீலனையின்போது அந்த மனுக்கள் தள்ளுபடி செய்யப்படும்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
