சென்னை-டெல்லி இடையே சிறப்பு பார்சல் எக்ஸ்பிரஸ் ரெயில் - தெற்கு ரெயில்வே அறிவிப்பு

சென்னை, 

ரெயில் நிலையங்களில் அத்தியாவசிய தேவைகளுக்கான பொருள்கள் அடங்கிய ‘பார்சல்கள்’ அதிக அளவில் தேங்கி கிடப்பதால், அதனை எடுத்துச் செல்ல சிறப்பு பார்சல் ரெயில்கள் இயக்கபட்டு வருகின்றன. அதன்படி சென்னை எம்.ஜி.ஆர். சென்டிரல்-டெல்லி இடையே சிறப்பு பார்சல் எக்ஸ்பிரஸ் ரெயில் இயக்கப்படுவதாக தெற்கு ரெயில்வே அறிவித்துள்ளது. இதுகுறித்து தெற்கு ரெயில்வே வெளியிட்டுள்ள செய்திக்குறிப்பில் கூறப்பட்டிருப்பதாவது:-

* சென்னை எம்.ஜி.ஆர்.சென்டிரல்-டெல்லி(வண்டி எண்: 00646) இடையே இயக்கப்படும் சிறப்பு பார்சல் எக்ஸ்பிரஸ் ரெயில் இன்று(புதன்கிழமை) மற்றும் வருகிற 8-ந்தேதிகளில் மாலை 6 மணிக்கு புறப்பட்டு டெல்லி சென்றடைகிறது. மறுமார்க்கமாக டெல்லி-சென்னை எம்.ஜி.ஆர். சென்டிரல்(00647) இடையே இயக்கப்படும் சிறப்பு பார்சல் எக்ஸ்பிரஸ் ரெயில் வருகிற 4 மற்றும் 11-ந்தேதிகளில் மாலை 6 மணிக்கு புறப்பட்டு சென்னை எம்.ஜிஆர். சென்டிரல் வந்தடைகிறது.

* இதேபோல் யஸ்வந்த்பூர்-ஹவுரா(00603) இடையே சிறப்பு பார்சல் எக்ஸ்பிரஸ் ரெயில் இன்று(புதன்கிழமை) மற்றும் வருகிற 4, 8, 11-ந்தேதிகளில் இயக்கப்படுகிறது. மறு மார்க்கமாக ஹவுரா-யஸ்வந்த்பூர்(00604) இடையே சிறப்பு பார்சல் எக்ஸ்பிரஸ் ரெயில் வருகிற 3, 7, 10, 13-ந் தேதிகளில் இயக்கப்படுகிறது.

* ‘சென்னை எழும்பூர்-நாகர்கோவில்(வண்டி எண் 00649) இடையே மருத்துவ உபகரணங்களை எடுத்து செல்லும் வகையில் சிறப்பு பார்சல் எக்ஸ்பிரஸ் ரெயில் நாளை (வியாழக்கிழமை) காலை 5 மணிக்கு எழும்பூர் ரெயில் நிலையத்தில் இருந்து நாகர்கோவிலுக்கு இயக்கப்படுகிறது.’

இவ்வாறு அதில் கூறப்பட்டுள்ளது.