சென்னையிலும் டாக்சி, ஆட்டோக்கள் ஓட அனுமதி சலூன், அழகு நிலையங்களும் திறப்பு

சென்னை,

சென்னையில் மட்டும் தொடர்ந்து தடை இருந்து வந்தது. இதனால் தங்களுடைய வாழ்வாதாரம் பெரிதும் பாதிக்கப்பட்டு உள்ளதாக ஆட்டோ ஓட்டுனர்களும், சலூன் கடைக்காரர்களும் தங்களுடைய வேதனையை வெளிப்படுத்தி இருந்தனர். இந்த நிலையில் 5-ம் கட்ட ஊரடங்கில் சென்னையிலும் அவர்களுக்கு விலக்கு அளிக்கப்பட்டு உள்ளது.

இதுதொடர்பாக முதல்-அமைச்சர் எடப்பாடி பழனிசாமி நேற்று வெளியிட்ட அறிவிப்பு வருமாறு:-

* வாடகை மற்றும் டாக்சி வாகனங்களை ஓட்டுனர் தவிர்த்து 3 பயணிகளை மட்டுமே கொண்டு மண்டலத்திற்குள் ‘இ-பாஸ்’ இல்லாமல் பயன்படுத்தலாம்.

* ஆட்டோக்களில் ஓட்டுனர் தவிர்த்து 2 பயணிகள் மட்டுமே பயணிக்கலாம். சைக்கிள் ரிக்‌ஷாவும் அனுமதிக்கப்படுகிறது.

* முடிதிருத்தும் மற்றும் அழகு நிலையங்கள் குளிர் சாதன வசதியைப் பயன்படுத்தாமல் அரசு தனியாக வழங்கும் நிலையான செயல்பாட்டு நெறிமுறைகளை பின்பற்றி இயங்க அனுமதிக்கப்படுகிறது. இவ்வாறு அவர் கூறியுள்ளார்.