<
மர்மமான முறையில் டிரைவர் தூக்கிட்டு தற்கொலை...!
ஆலங்குடி அருகே மர்மமான முறையில் டிரைவர் தூக்கிட்டு தற்கொலை செய்து கொண்ட சம்பவம் தொடர்பாக போலீசார் விசாரணை நடத்தி வருகின்றனர்.
ஆலங்குடி,
புதுக்கோட்டை மாவட்டம் ஆலங்குடி அருகே உள்ள மாங்கோட்டை பகுதியை சேர்ந்தவர் ராமராஜன் (வயது35). இவர் கோவையில் டிரைவராக பணியாற்றி வருகிறார். இவரது மனைவி காயத்ரி. இவர்களுக்கு திருமணமாகி 2 ஆண்டுகளாகியும் குழந்தை இல்லை என்று கூறப்படுகின்றது.
இந்த நிலையில் கடந்த ஒரு மாதத்திற்கு முன்பு ராமராஜன் தனது சொந்த ஊருக்கு வந்துள்ளார். மிகுந்த மன உளைச்சலில் இருந்த ராமராஜன்,வேலைக்கு எங்கும் செல்லாமல் வீட்டிலேயே இருந்து உள்ளார்.
சம்பவத்தன்று வீட்டில் தனியாக இருந்த ராமராஜன் தூக்கிட்டு தற்கொலை செய்து கொண்டு உள்ளார். பின்னர் வீட்டுக்கு வந்த மனைவி காயத்தி கணவன் தூக்கில் தொங்கிய நிலையில இருந்ததை கண்டு அதிர்ச்சி அடைந்து கண்ணீர் விட்டு கதறி அழுதார்.
இந்த சம்பம் கேட்டு ஓடிவந்த அப்பகுதியினர் ஆலங்குடி போலீசாருக்கு தகவல் கொடுத்தனர். சம்பவ இடத்துக்கு வந்த சப்-இன்ஸ்பெக்டர் குணசேகரன் தலைமையிலான போலீசார் ராமராஜன் உடலை கைப்பற்றி பிரேத பரிசோதனைக்காக புதுக்கோட்டை அரசு மருத்துவமனைக்கு அனுப்பிவைத்தனர்.
மேலும் இந்த சம்பவம் குறித்து ராமராஜனின் அண்ணன் பிரபு கொடுத்த புகாரின் அடைப்படையில் ஆலங்குடிபோலீசார் வழக்குப்பதிவு செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
