<
கர்நாடகத்தில் 2020-ம் ஆண்டில் 5.51 லட்சம் பேர் சாவு - ஆய்வில் அதிர்ச்சி தகவல்
கடந்த 2020-ம் ஆண்டில் கர்நாடகத்தில் 5.51 லட்சம் பேர் இறந்த அதிர்ச்சி தகவல் ஆய்வில் தெரியவந்து உள்ளது.
பெங்களூரு,
கர்நாடகத்தில் ஆண்டுதோறும் உயிரிழப்பவர்களின் எண்ணிக்கையை சிவில் பதிவு அமைப்பு வெளியிட்டு வருகிறது. அதன்படி சிவில் பதிவு அமைப்பு சமீபத்தில் வெளியிட்ட ஒரு அறிக்கையில் கூறப்பட்டு இருப்பதாவது:-
கர்நாடகத்தில் 2020-ம் ஆண்டில் 5 லட்சத்து 51 ஆயிரத்து 808 பேர் உயிரிழந்து உள்ளதாக கூறியுள்ளது. இதில் தலைநகர் பெங்களூருவில் மட்டும் 84,186 பேர் உயிரிழந்து உள்ளனர்.
இது 2019-ம் ஆண்டை காட்டிலும் 15.55 சதவீதம் அதிகம். 2019-ம் ஆண்டில் பல்வேறு காரணங்களால் 72,861 பேர் இறந்தனர். 2020-ம் ஆண்டு கொரோனா உயிரிழப்பின் காரணமாக பெங்களூருவில் சாவு எண்ணிக்கை அதிகரித்து உள்ளது. 2020-ம் ஆண்டு பெங்களூருவில் மட்டும் கொரோனாவுக்கு 4,330 பேர் உயிரிழந்து உள்ளனர்.
2020-ம் ஆண்டில் கர்நாடகத்தில் உயிரிழந்தவர்களில் 0.5 சதவீதம் பேர் 5 வயதுக்கு உட்பட்டவர்கள். 1.97 சதவீதம் பேர் 15 வயதுக்கு உட்பட்டோர். 4.27 சதவீதம் பேர் 25 வயதுக்கு உட்பட்டவர்கள். 7.62 சதவீதம் பேர் 35 வயதுக்கு உட்பட்டவர்கள். 39.9 சதவீதம் பேர் 70 வயதுக்கு மேற்பட்டவர்கள் ஆவார்கள்.
2020-ம் ஆண்டு பெங்களூருவில் இறப்பு விகிதம் அதிகரித்த போதிலும், பிறப்பு விகிதமும் குறைந்தது. 2019-ம் ஆண்டு பெங்களூருவில் 1 லட்சத்து 59 ஆயிரத்து 181 குழந்தைகள் பிறந்தன. ஆனால் 2020-ல் 1 லட்சத்து 44 ஆயிரத்து 186 குழந்தைகள் தான் பிறந்து உள்ளன.
இவ்வாறு அந்த அறிக்கையில் கூறப்பட்டு உள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
