'புதிய இந்தியா உருவாகும் ஆண்டாக 2024 அமையும்' - முதல்-அமைச்சர் மு.க.ஸ்டாலின்

சென்னை,

பெங்களூருவில் நடைபெற்ற எதிர்கட்சிகளின் கூட்டத்தில் தமிழக முதல்-அமைச்சர் மு.க.ஸ்டாலின் கலந்து கொண்டார். இந்த கூட்டத்தில் எதிர்கட்சிகளின் கூட்டணிக்கு 'இந்தியா' என்று பெயரிடப்பட்டுள்ளது. அடுத்த கூட்டம் மும்பையில் நடைபெறும் என அறிவிக்கப்பட்டுள்ளது.

இந்நிலையில் எதிர்கட்சிகளின் கூட்டத்தில் கலந்து கொண்டு முதல்-அமைச்சர் மு.க.ஸ்டாலின் சென்னை திரும்பினார். சென்னையில் செய்தியாளர்களை சந்தித்த அவர், "2024 நாடாளுமன்ற தேர்தலில் வெற்றி பெற எதிர்கட்சிகள் ஒன்று சேர்ந்துள்ளோம். எதிர்கட்சிகள் வெற்றி பெறுவதற்கான வியூகங்கள் வகுக்கப்பட்டுள்ளன. புதிய இந்தியா உருவாகும் ஆண்டாக 2024 அமையும்" என்று தெரிவித்தார்.