தமிழகத்தில் இன்று 25 பேருக்கு கொரோனா பாதிப்பு

சென்னை,

தமிழகத்தில் இன்று புதிதாக 11 ஆண்கள், 14 பெண்கள் உள்பட மொத்தம் 25 பேருக்கு புதிதாக கொரோனா உறுதி செய்யப்பட்டுள்ளது. அதிகபட்சமாக சென்னையில் 5 பேர் உள்பட மொத்தம் 11 மாவட்டங்களில் தொற்று பாதிப்பு பதிவாகியுள்ளது. தேனி, திருப்பத்தூர், விருதுநகர் உள்ளிட்ட 27 மாவட்டங்களில் பாதிப்பு இல்லை.

மேலும், 12 வயதுக்குட்பட்ட 12 குழந்தைகளுக்கும், 60 வயதுக்கு மேற்பட்ட 5 முதியவர்களுக்கும் கொரோனா தொற்று உறுதி செய்யப்பட்டுள்ளது. ஆஸ்பத்திரியில் 160 பேர் அனுமதிக்கப்பட்டு சிகிச்சை பெற்று வருகின்றனர்.

தமிழகத்தில் இன்று கொரோனா தொற்றால் எந்த மாவட்டத்திலும் உயிரிழப்பு ஏற்படவில்லை. தற்போது 268 பேர் சிகிச்சையில் உள்ளனர்.