புதுக்கோட்டை குடிமைப்பொருள் வழங்கல் குற்றப்புலனாய்வு துறை போலீசார் மற்றும் புதுக்கோட்டை பறக்கும்படை தனி தாசில்தார் வரதராஜன் தலைமையில் அதிகாரிகள் கே.புதுப்பட்டி அருகே நேற்று வாகன சோதனையில் ஈடுபட்டனர். அப்போது சரக்கு வேனில் கடத்தி வரப்பட்ட 2 ஆயிரத்து 38 கிலோ ரேஷன் அரிசி மூட்டைகளை, சரக்கு வேனுடன் பறிமுதல் செய்தனர். மேலும் ஒரு வீட்டில் விற்பனைக்காக பதுக்கி வைக்கப்பட்டிருந்த 636 கிலோ ரேஷன் அரிசி மூட்டைகளையும் கைப்பற்றினர். மொத்தம் 2 ஆயிரத்து 674 கிலோ ரேஷன் அரிசி மூட்டைகள் பறிமுதல் செய்தது தொடர்பாக குடிமைப்பொருள் வழங்கல் குற்றப்புலனாய்வுத்துறை போலீசார் வழக்குப்பதிவு செய்து விசாரிக்கின்றனர்.