2-வது நாளாக வனவிலங்குகள் கணக்கெடுப்பு

வால்பாறை

ஆனைமலை புலிகள் காப்பகத்துக்கு உட்பட்ட வால்பாறை, மானாம்பள்ளி, பொள்ளாச்சி, உலாந்தி ஆகிய 4 வனச்சரக பகுதியில் தென்மேற்கு பருவமழைக்கு முந்தைய வனவிலங்குகள் கணக்கெடுப்பு பணி நேற்று முன்தினம் தொடங்கியது.

வால்பாறை வனப்பகுதியில் வனச்சரகர் வெங்கடேஷ், மானாம்பள்ளி வனப்பகுதியில் வனச்சரகர் மணிகண்டன் ஆகியோர் தலைமையில் நடக்கிறது. நேற்று 2-வது நாளாக அக்காமலை புல் மேடு பீட் வனப்பகுதியிலும், சேக்கல் முடி வனப்பகுதியிலும் நேரடியாக பார்த்தும், எச்சங்களை வைத்தும் கணக்கெடுக்கப்பட்டது. இன்றுடன்(வியாழக்கிழமை) காவல் எல்லை கணக்கெடுக்கும் பணி நிறைவு பெறுகிறது. அதன்பின்னர் நேர்கோட்டு பாதையில் கணக்கெடுப்பு பணி நடைபெற உள்ளது.