கஞ்சா கடத்திய 3 பேர் கைது

சிவகாசி,

சிவகாசி உட்கோட்ட துணை போலீஸ் சூப்பிரண்டு தனஞ்செயன் உத்தரவின் பேரில் எம்.புதுப்பட்டி போலீசார் பெருமாள் கோவில் பகுதியில் வாகன சோதனையில் ஈடுபட்டனர். அப்போது அந்த வழியாக வந்த மோட்டார் சைக்கிளை சந்தேகத்தின் அடிப்படையில் போலீசார் சோதனை செய்தனர். அப்போது அதில் 1 கிலோ 200 கிராம் கஞ்சா இருந்தது கண்டுபிடிக்கப்பட்டது. இதனை தொடர்ந்து அந்த வாகனத்தில் இருந்த தங்கபாண்டி (வயது 23), மகாராஜா (30) உள்பட 3 பேரை கைது செய்த போலீசார் 1 கிலோ 200 கிராம் கஞ்சா மற்றும் கடத்தலுக்கு பயன்படுத்திய மோட்டார் சைக்கிள் ஆகியவற்றை பறிமுதல் செய்தனர்.