கஞ்சா கடத்திய 3 பேர் கைது

ஸ்ரீவில்லிபுத்தூர்,

ஸ்ரீவில்லிபுத்தூர் அருகே கிருஷ்ணன் கோவிலில் சப்-இன்ஸ்பெக்டர் மணிகண்டன் தலைமையில் வாகன சோதனை நடைபெற்றது. அப்போது அந்த வழியாக வந்த ஒரு வேனை சோதனை செய்தபோது அதில் 11 பாக்கெட்டுகளில் 24 கிலோ கஞ்சா கடத்திவரப்பட்டது தெரியவந்தது. தொடர்ந்து வேனில் வந்தவர்களிடம் விசாரணை மேற்கொண்டதில் உசிலம்பட்டியை சேர்ந்த தெய்வேந்திரன் (வயது 29), செல்லப்பாண்டி (20), குணசேகரன் (31) என்பது தெரியவந்தது. இதையடுத்து அவர்கள் 3 பேரையும் கைது செய்த போலீசார், வேனையும் பறிமுதல் செய்தனர்.