விபத்தில் 3 பேர் படுகாயம்

சென்னை பொன்னேரியை சேர்ந்தவர் சுந்தர்ராஜ்(வயது 50). டிரைவர். இவர், அதே பகுதியை சேர்ந்த பாக்கியராஜ்(46), அவரது மகன் யாமஜி(9) ஆகியோருடன் ஒரு காரில் சபரிமலை அய்யப்பன் கோவிலுக்கு சென்றுவிட்டு, மீண்டும் சென்னைக்கு திரும்பி சென்று கொண்டிருந்தனர். காரை சுந்தர்ராஜ் ஓட்டினார். திருமாந்துறை சுங்கச்சாவடி அருகே வந்தபோது, முன்னால் கடலூர் மாவட்டம், விருத்தாசலம் தாலுகா மணலூர் பகுதியை சேர்ந்த டிரைவர் அருண்(25) ஓட்டி வந்த டிப்பர் லாரி மீது கார் மோதியது.

இதில் காரின் முன்பகுதி சேதமடைந்தது. மேலும் சுந்தர்ராஜ் உள்ளிட்ட 3 பேரும் படுகாயமடைந்தனர். இதையடுத்து அவர்கள் ஆம்புலன்ஸ் மூலம் சிகிச்சைக்காக பெரம்பலூர் அரசு மருத்துவமனைக்கு அனுப்பி வைக்கப்பட்டனர். இந்த சம்பவம் குறித்து மங்களமேடு போலீசார் வழக்குப்பதிவு செய்து விசாரணை நடத்தி வருகின்றனர்.