மாணவர்களிடம் கஞ்சா விற்ற 4 பேர் கைது

சிவகாசி,

சிவகாசி உட்கோட்டத்துக்கு உட்பட்ட பகுதியில் புகையிலை மற்றும் கஞ்சா விற்பனை அதிகரித்து வரும் நிலையில் இதனை கட்டுப்படுத்த போலீசார் பல்வேறு தடுப்பு நடவடிக்கைகளை எடுத்து வருகிறார்கள். இந்த நிலையில் சிவகாசி அருகே உள்ள மாரனேரி நதிக்குடி கிராம பஞ்சாயத்து தலைவர் மாரிமுத்து, மாரனேரி போலீசில் புகார் அளித்தார்.

அதில் எங்கள் பகுதியில் உள்ள நடுநிலை பள்ளியின் அருகில் சிலர் மாணவர்களுக்கு கஞ்சா விற்பனை செய்து வருவதாக கூறி இருந்தார். அந்த புகாரை தொடர்ந்து போலீசார் நதிக்குடி கிராமத்தை சேர்ந்த கருப்பசாமி (வயது 25), செல்வம் (31), அன்பரசன் (20), 18 வயது சிறுவன் ஆகிய 4 பேரை கைது செய்தனர். அவர்களிடம் இருந்து 30 கிராம் கஞ்சா மற்றும் ரூ.300 ஆகியவற்றை போலீசார் பறிமுதல் செய்தனர்.