டெல்லியில் மோசமான வானிலையால் 4 விமானங்கள் ரத்து; 11 விமானங்கள் காலதாமதம்; சென்னையில் பயணிகள் கடும் அவதி

சென்னை மீனம்பாக்கம் உள்நாட்டு விமான நிலையத்தில் இருந்து டெல்லிக்கு நேற்று மாலை 3.10 மணிக்கு செல்ல வேண்டிய விமானம், மாலை 5.15 மணிக்கு செல்ல வேண்டிய விமானம், அதேபோல் டெல்லியில் இருந்து மாலை 4 மணிக்கும், நள்ளிரவு 12.15 மணிக்கும் சென்னை வரவேண்டிய விமானம் என 4 விமானங்கள் ரத்து செய்யப்பட்டு உள்ளன.

டெல்லியில் இருந்து சென்னை வரும் 5 விமானங்களும், சென்னையில் இருந்து டெல்லி செல்லும் 6 விமானங்களும் சுமார் 3 மணி நேரம் வரை தாமதமாக இயக்கப்பட்டன.

இதுபற்றி சென்னை விமான நிலையத்தில் பயணிகளுக்கு முறையான அறிவிப்புகள் செய்யப்படவில்லை. இதனால் பயணிகள் கடும் அவதிக்கு உள்ளானாா்கள்.