கத்திமுனையில் பணம் பறித்த 5 பேர் கைது

மதுரை புதூர் காந்திபுரம் 4-வது தெருவை சேர்ந்தவர் ராஜா (வயது 39). சம்பவத்தன்று இரவு இவர் காந்திபுரம் கண்மாய்கரை பகுதிக்கு சென்றார். அங்கு வந்த 5 பேர் கொண்ட கும்பல் அவரை வழிமறித்தது. பின்னர் அவரை கத்தியை காட்டி மிரட்டி அவரிடமிருந்து பணத்தை பறித்து சென்றது. இதுகுறித்து அவர் புதூர் போலீசில் புகார் அளித்தார். அதன் பேரில் போலீசார் வழக்குப்பதிவு செய்து புதூர் காந்திபுரம் பிரகாஷ் (23), மணிகண்டன் (19), மருதுபாண்டியர் தெரு சேதுபாண்டி (19), சிவகுருநாதன் (19), வீரகாளியம்மன் கோவில் தெரு கார்த்திக் (23) ஆகியோரை கைது செய்தனர்.