கிட்டங்கியில் இருந்த 50 மூடை ரேஷன் அரிசி பறிமுதல்

விருதுநகர் மாவட்ட உணவு பொருள் கடத்தல் தடுப்பு பிரிவு போலீசாருக்கு ஒரு குடோனில் ரேஷன் அரிசி பதுக்கி வைத்து இருப்பதாக ரகசிய தகவல் கிடைத்தது. இதன் பேரில் நேற்று விருதுநகர் பாண்டியன் நகரில் உள்ள கிட்டங்கியில் திடீர் சோதனை நடத்தினர். அங்கு தலா 25 கிலோ எடை கொண்ட 50 மூடை ரேஷன் அரிசி பதுக்கி வைக்கப்பட்டிருந்தது தெரிய வந்தது. அவற்றை பறிமுதல் செய்த போலீசார் இது குறித்து விசாரணை நடத்தினார்கள். ரேஷன் அரிசி மூடைகளை பதுக்கி வைத்திருந்த ஆர்.வி.ஆர்.நகர் முனீஸ்வரன் (வயது 62) என்பவர் மீது வழக்குபதிவு செய்து தலைமறைவாகியுள்ள அவரை தேடி வருகின்றனர்.