பெண்ணிடம் 6 பவுன் சங்கிலி பறிப்பு

புதுக்கோட்டை பெரியார்நகரை சேர்ந்தவர் உதயகுமாரி (வயது 49). இவர் நேற்று இரவு மொபட்டில் தனது குழந்தையுடன் கம்பன் நகர் சாய்பாபா கோவில் அருகே சென்று கொண்டிருந்தார். அப்போது பின்னால் மோட்டார் சைக்கிளில் வந்த மர்மநபர்கள், உதயகுமாரி கழுத்தில் கிடந்த 6 பவுன் தங்கச்சங்கிலியை பறித்து விட்டு தப்பியோடினர். இது குறித்து அவர் உடனடியாக டவுன் போலீசாருக்கு தகவல் தெரிவித்தார். தகவல் அறிந்ததும் போலீசார் விரைந்து வந்து விசாரணை நடத்தினர். மேலும் அந்த பகுதியில் பொருத்தப்பட்டுள்ள கண்காணிப்பு கேமராக்களில் பதிவான காட்சிகளை பார்வையிட்டு வருகின்றனர். மேலும் தப்பியோடிய மர்மநபர்களை போலீசார் தேடி வருகின்றனர்.