லாரி டிரைவர் வீட்டில் 7 பவுன் நகை திருட்டு

சேத்துப்பட்டு

லாரி டிரைவர் வீட்டில் 7 பவுன் நகை திருடப்பட்டுள்ளது.

பெரணமல்லூரை அடுத்த வெளுமந்தாங்கள் கிராமத்தை சேர்ந்தவர் திருநாவுக்கரசு (வயது 37). டிரைவராக வேலை செய்கிறார். சம்பவத்தன்று காலையில் அவரது வீட்டில் உள்ள பீரோவில் 7 பவுன் நகை, ரூ. 80ஆயிரத்தை வைத்துள்ளார். பீரோ மீது சாவியை வழக்கம்போல் வைத்து விட்டு கண்ணமங்கலத்துக்கு சென்றுள்ளார்.

பின்னர் வீடு திரும்பியபோது பீரோ திறந்து துணிகள் சிதறி கிடந்தன. அதில் வைத்திருந்த 7 பவுன் நகை மற்றும் ரூ.80 ஆயிரம் திருடு போயிருந்தது. இது குறித்து பெரணமல்லூர் போலீசில் அவர் புகார் செய்தார். அதன்பேரில் பெரணமலூர் போலீசார் வழக்குப்பதிவு செய்து மேலும் திருட்டு நடந்த வீட்டை நேரில் பார்வையிட்டு விசாரணை நடத்தி மர்மநபரை தேடி வருகின்றனர்.