விழுப்புரம் மாவட்டத்தில் ஊரக உள்ளாட்சி அமைப்புகளில் காலியாக உள்ள கிராம ஊராட்சி வார்டு உறுப்பினர் பதவியிடங்களுக்கு 20.6.2022 முதல் 27.6.2022 வரை வேட்புமனுக்கள் பெறப்பட்டது. மரக்காணம் ஒன்றியம் மானூர் ஊராட்சி வார்டு எண்-6, முகையூர் ஒன்றியம் முகையூர் ஊராட்சி வார்டு எண்-8, விக்கிரவாண்டி ஒன்றியம் ஒரத்தூர் ஊராட்சி வார்டு எண்-4 ஆகிய பதவிகளுக்கு ஒரே ஒரு வேட்பு மனு பெறப்பட்டு போட்டியின்றி வார்டு உறுப்பினர்கள் தேர்வு செய்யப்பட்டுள்ளனர்.

மேலும் விக்கிரவாண்டி ஒன்றியம் வி.பகண்டை ஊராட்சி வார்டு எண் 2-க்கு 2 வேட்பு மனுக்கள் தாக்கல் செய்யப்பட்டு ஒரு வேட்புமனு திரும்ப பெறப்பட்டது. செஞ்சி ஒன்றியம் பொன்னங்குப்பம் ஊராட்சி வார்டு எண் 7-க்கு பெறப்பட்ட 3 வேட்பு மனுக்களில் 2 மனுக்களும், வார்டு எண் 8-க்கு பெறப்பட்ட 7 வேட்பு மனுக்களில் 6 மனுக்களும், வார்டு எண் 9-க்கு பெறப்பட்ட 7 வேட்பு மனுக்களில் 6 மனுக்களும், நரசிங்கராயன்பேட்டை ஊராட்சி வார்டு எண் 1-க்கு பெறப்பட்ட 3 வேட்பு மனுக்களில் 2 மனுக்களும் திரும்ப பெறப்பட்டன. இதனால் மேற்காணும் வார்டு உறுப்பினர்கள் போட்டியின்றி தேர்ந்தெடுக்கப்பட்டனர்.

3 பதவிக்கு நாளை தேர்தல்

முகையூர் ஊராட்சி ஒன்றியம் காரணை ஊராட்சியில் வார்டு எண் 7-ல் பெறப்பட்ட 6 வேட்பு மனுக்களில் 1 வேட்பு மனு வயது தகுதியின்மையால் நிராகரிக்கப்பட்டு, ஒரு வேட்பு மனு திரும்ப பெறப்பட்ட நிலையில் களத்தில் 4 வேட்பாளர்கள் போட்டியிடுகின்றனர். விக்கிரவாண்டி ஊராட்சி ஒன்றியம் முண்டியம்பாக்கம் ஊராட்சி வார்டு எண் 9-ல் 3 வேட்பு மனுக்கள் பெறப்பட்டு 3 வேட்பாளர்களும் களத்தில் உள்ளனர். மேல்மலையனூர் ஊராட்சி ஒன்றியம் அண்ணமங்கலம் ஊராட்சி வார்டு எண் 5-ல் 2 வேட்பு மனுக்கள் பெறப்பட்டு இருவரும் களத்தில் உள்ளனர்.

மேற்காணும் 3 கிராம ஊராட்சி வார்டு உறுப்பினர்களுக்கான தற்செயல் தேர்தல் நாளை மறுநாள்(சனிக்கிழமை) காலை 7 மணிக்கு தொடங்கி மாலை 6 மணி வரை நடைபெற உள்ளது. கொரோனா தொற்றால் பாதிக்கப்பட்ட நோயாளிகள் வாக்களிக்க மாலை 5 மணி முதல் 6 மணி வரை நேரம் ஒதுக்கப்பட்டுள்ளது. இதன் வாக்கு எண்ணிக்கை 12-ந் தேதியன்று அந்தந்த ஊராட்சி ஒன்றியங்களில் நடைபெறவுள்ளது.