டீக்கடையில் தகராறில் ஈடுபட்ட வாலிபர் கைது

ஸ்ரீமுஷ்ணம்,

ஸ்ரீமுஷ்ணம் கடைவீதி காமராஜ் சிலை எதிரில், ஸ்ரீமுஷ்ணம் மங்காங்குள தெருவை சேர்ந்தவர் பன்னீர்செல்வம் மகன் பூவராகமூர்த்தி (வயது 35). இவர் டீக்கடை நடத்தி வருகிறார்.

இவருடைய கடைக்கு டீ குடிக்க வந்த ஸ்ரீமுஷ்ணம் வானக்கார தெருவை சேர்ந்த ராமச்சந்திரன் மகன் சிவா என்கிற சிவசூரியன் என்பவர் (வயது 29), அங்கிருந்த 3 பேருடன் தகராறில் ஈடுபட்டார்.

தகவல் அறிந்த ஸ்ரீமுஷ்ணம் போலீசார் விரைந்து வந்து, அவர்களை தடுத்தனர். இருப்பினும் சிவசூரியன் அவர்களை தாக்கினார். போலீசார் அவரை தடுக்க முயன்றும், அவர் அமைதியடையாமல், 3 பேரையும் தாக்குவதிலேயே குறியாக இருந்தார். இதையடுத்து அவரை போலீஸ் நிலையத்துக்கு பிடித்து சென்றனர். இந்த சம்பவத்தால் அப்பகுதியில் சிறிது நேரம் போக்குவரத்து பாதிப்பு ஏற்பட்டது.

இது தொடர்பான வீடியோ பதிவும் சமூக வலைத்தளத்தில் வெளியாகி வைரலானது. இதற்கிடையே இந்த சம்பவம் தொடர்பாக போலீசார் வழக்குப்பதிவு செய்து, சிவசூரியனை கைது செய்தனர்.

இதேபோல ஸ்ரீமுஷ்ணம் புதிய பஸ்நிலையம் அருகில் குடிபோதையில் கத்தியை காட்டி மிரட்டி பொதுமக்களை அச்சுறுத்தியும், போக்குவரத்துக்கு இடையூறாகவும், இருந்த ஸ்ரீமுஷ்ணம் வானக்காரத் தெருவை சேர்ந்த கண்ணன் மகன் பாலு என்கிற பாலமுருகன் (வயது 26) என்பவரையும் போலீசார் கைது செய்தனர்.