மோட்டார் சைக்கிளில் பணம் திருடியவர் கைது

சேலம் மாவட்டம் தாரமங்கலம் சின்னப்பம்பட்டி பகுதியை சேர்ந்தவர் ராஜீராம் (வயது 36). இவர், நேற்று முன்தினம் சேலம் 5 ரோடு அருகேயுள்ள சினிமா தியேட்டரில் படம் பார்க்க சென்றார். அவர் தியேட்டரில் உள்ள வாகன நிறுத்துமிடத்தில் தனது மோட்டார் சைக்கிளை நிறுத்தியிருந்தார். பின்னர் படம் முடிந்து மீண்டும் வந்தபோது, மோட்டார் சைக்கிளில் உள்ள டேங்க் கவரில் வைத்திருந்த ரூ.30 ஆயிரத்தை மர்ம நபர் திருடி சென்றிருப்பது தெரியவந்தது. இதனால் அதிர்ச்சி அடைந்த ராஜீராம் இதுபற்றி பள்ளப்பட்டி போலீசில் புகார் செய்தார். அதன்பேரில் போலீசார் வழக்குப்பதிவு செய்து விசாரணை நடத்தினர். அதில், சேலம் பொன்னம்மாப்பேட்டையை சேர்ந்த சீனிவாசன் (21) என்பவர், சம்பவத்தன்று சினிமா தியேட்டரில் ராஜீராம் நிறுத்தியிருந்த மோட்டார் சைக்கிளில் பணத்தை திருடியது தெரியவந்தது. இதையடுத்து அவரை போலீசார் கைது செய்தனர்.